Curso serigrafía en Compostela

Do Paraná, Espazo Serigráfico ofrece novos cursos de serigrafía, impartidos por Teófila Noemí Ruiz, de xaneiro a marzo de 2008. É a mellor oportunidade para entusiasmarse con esta técnica tan ligada ao Pop Art, abordar o deseño e produción de camisetas, láminas ou obxectos planos e aprender creando sobre papel, téxtil, plásticos, etc.

Teófila Noemí Ruiz, lleva doce anos de actividade como serígrafa. En Compostela participou no “Roteiro de Creación Contemporánea”, leva xunto co artista Miguel Ivorra “Puramente Camisetas” e ven de realizar “Veñen Vindo, Serígrafos”, mostra-festa na que se expuxeron os traballos dos talleristas do curso de verán, cunha moi boa repercusión. Desde o seu taller "A Mancha" en Arxentina, ademais da produción de impresos promocionais, realizou edicións de obra e serigrafías orixinais de importantes artistas plásticos entrerrianos como Raul González, Marimé Guirín, Carlos Asiaín, Guillermo Hennekens ou Marta Daneri entre outros.
A filosofía do curso é a de transmitir un abecé para gozar a técnica e pola ao servizo do pracer da experimentación e a creación. O programa e os seus contidos adaptaranse ás peculiaridades do destinatario en canto a preferencias ou expectativas persoais, desde un enfoque eminentemente práctico. Son 30 horas nas que se realizarán: fotolitos manuais con tinta chinesa e opacador fotográfico, fotolitos dixitais, impresions téxtiles con lacas e base acuosa, mono e tetracromía, rexistros, insolado e recuperación de pantallas, preparación das cores, impresions sobre pvc, e probas de ensaio de edición de obra en papel con tintas grasas, en tiradas limitadas.

DO PARANÁ, Espazo Serigráfico
Rúa Ulla 25, baixo. Pontepedriña, Santiago de Compostela
Informes: 881 97 80 75 – 627 43 61 26 - doparana@mundo-r.com